Wednesday, 6 February 2019

តិចនិចក្នុងការរៀនភាសាចិនឆាប់ចេះ

ភាសាចិនគឹជាភាសាទីពីរបន្ទាប់ពីភាសាអង់គ្លេសដែរពិភពលោកទទួលស្គាល់។
ការរៀនភាសាចិនតើអ្នកបានជួបនិងការលំបាកអ្វីខ្លះ?

តោះរៀនពីគន្លឹះចំនួន３ចំណុចដែរធ្វើអោយការរៀនរបស់អ្នកឆាប់ចេះ.........។
ទី១. ត្រូវរៀនពីមូលដ្ឋានគ្រឹះ ស្រះព្យញ្ជនះ និង សម្លេងអាន

វាមានការពិបាកក្នុងការចងចាំបន្តិចតែបើរៀនមើលវារាល់ថ្ងៃទៅនោះអ្នកនិងមានការចងចាំដែរមិនអាចភ្លេចឡើយ (ទាំងសរសេរនិងការបញ្ចេញសម្លេង)

ទី២. រៀនស្គាល់ពីគំនូសប៊ីច

រៀនសរសេអក្សរយ៉ាងតិច(១០០ទៅ២០០ដងក្នុងមួយថ្ងៃព្រោះថាការសរសេរនិងជួយយើងអោយចាំបានច្បាស់ យូៗទៅអ្នកនិងឆាប់ចាប់បានលឿន។
ការសរសេរអក្សចិនគឺ ចាប់ពីលើមកក្រោម ទាញពីឆ្វេងមកស្តាំ។

ទី៣. ត្រូវឧហ្សាណ៏រំលឹកជារៀងរាល់ថ្ងៃ ត្រូវកំណត់ពេលវេលា យកល្អនៅ ម៉ោង ៥ ទៅម៉ោង ៦ល្ងាច

វៀតណាម កំណត់ទិសដៅនាំចេញសម្លៀកបំពាក់ឲ្យបាន៤០ពាន់លានដុល្លារក្នុងឆ្នាំ២០១៩

វៀតណាម កំណត់ទិសដៅនាំចេញសម្លៀកបំពាក់ឲ្យបាន៤០ពាន់លានដុល្លារក្នុងឆ្នាំ២០១៩

តើនិងមានអ្វីកើតឡើងនៅពេលដែល សហភាពអឺរ៉ុបកដប្រព័ន្ធអនុគ្រោះពន្ធចេញពីកម្ពុជាឬហៅកាត់ថា(EBA)?

សមាគមវាយនភ័ណ្ឌនិងសម្លៀកបំពាក់វៀតណាម បានប្តេជ្ញាថា នឹងជំរុញទំហំនាំចេញក្នុងឆ្នាំ២០១៩ ឲ្យបាន៤០ពាន់លានដុល្លារ។

សារព័ត៌មាន Vietnam News បានចុះផ្សាយកាលពីម្សិលមិញថា ការហ៊ានដាក់គោលដៅនាំចេញរបស់សមាគមនេះរហូតដល់៤០ពាន់លានដុល្លារ ដោយសារមើលឃើញពីភាពជោគជ័យកាលពីឆ្នាំ២០១៨កន្លងទៅ។ ទំហំនៃការនាំចេញផលិតវាយនភ័ណ្ឌនិងសម្លៀកបំពាក់របស់វៀតណាមនៅឆ្នាំ២០១៨ មាន៣៦ពាន់លានដុល្លារ ដែលកើនឡើង១៦ភាគរយ បើធ្រៀបធៀបទៅនឹងឆ្នាំ២០១៧។

ប្រភពដដែល ឲ្យដឹងថាកំណើននៃការនាំចេញនេះអាចនឹងជួយឲ្យវៀតណាមក្លាយជាប្រទេសមួយក្នុងចំណោមប្រទេសដែលនាំចេញផលិតផលវាយនភ័ណ្ឌនិងសម្លៀកបំពាក់ធំជាងគេបំផុតលើពិភពលោក៕

ទោះបីជាមានឋានះជា នាយករដ្ឋមន្ត្រីក៏ស្ថិតនៅក្រោមច្បាប់ដែរ តុលាការថៃកោះហៅលោក ប្រាយុទ្ធ ទៅបំភ្លឺជុំវិញ...............

នាយករដ្ឋមន្ត្រីថៃ លោកប្រាយុទ្ធ ចន្ទអូចា, អភិបាលក្រុងបាងកក Aswin Kwanmuang និងសមាជិកនៃគណៈកម្មការទទួលបន្ទុកផ្នែកបរិស្ថានថៃ ត្រូវបានគេកោះហៅឲ្យទៅស្រាយបំភ្លឺនៅតុលាការរដ្ឋបាលកណ្តាលនៅថ្ងៃទី៧ ខែកុម្ភៈ ពាក់ព័ន្ធនឹងវិបត្តិខ្យល់កខ្វក់ PM2.5 ដែលជះឥទ្ធិពលលើក្រុងបាងកករយៈពេលជិត ២ ខែកន្លងទៅនេះ។

ការកោះហៅរបស់តុលាការនេះ គឺធ្វើឡើងដើម្បីឆ្លើយតបទៅបណ្តឹងពីសមាគមបញ្ឍប់បម្រែបម្រួលអាកាសធាតុ (SGWA) និងប្រជាជនបាងកកចំនួន ៤១ នាក់។ អ្នកដាក់ពាក្យបណ្តឹងចោទប្រកាន់មន្ត្រីគ្រាក់ៗទាំងនោះថា មិនយកចិត្តទុកដាក់លើបញ្ហាផ្សែងពុល ដោយអះអាងថា ពួកគេបរាជ័យក្នុងការអនុវត្តច្បាប់សុខភាពសាធារណៈនិងបរិស្ថានដើម្បីគ្រប់គ្រងកម្រិត PM2.5 ។ នេះបើតាមការចុះផ្សាយរបស់សារព័ត៌មានថៃ The Nation ។

យោងតាមបណ្តឹងដដែលនេះ ការព្រងើយកន្តើយរបស់មន្ត្រីក្នុងការដោះស្រាយវិបត្តិខ្យល់កខ្វក់នេះ បានបង្ខំឲ្យសាលារៀន និងក្រុមហ៊ុនជាច្រើនបិទទ្វារជាបណ្តោះអាសន្ន។ ប្រជាជនមួយចំនួនមានបញ្ហាសុខភាពផ្លូវដង្ហើម ហើយសេដ្ឋកិច្ចថៃទទួលរងផលប៉ះពាល់ថែមទៀតផង។ លើសពីនេះ ភ្ញៀវទេសចរហាក់ស្ទាក់ស្ទើរនឹងធ្វើដំណើរទៅកាន់ប្រទេសថៃ ក្រោយពីទទួលដំណឹងពីបញ្ហាគុណភាពខ្យល់។

ប្រធានសមាគមបញ្ឍប់បម្រែបម្រួលអាកាសធាតុ (SGWA) លោក Srisuwan Janya បានប្រាប់សារព័ត៌មាន The Nation ថា លោកនឹងរៀបចំភស្តុតាងដែលបង្ហាញពីការធ្វេសប្រហែសរបស់រដ្ឋាភិបាលទាក់ទិននឹងបញ្ហាខ្យល់កខ្វក់ និងស្នើឲ្យតុលាការចេញបញ្ជាឲ្យមន្ត្រីដែលត្រូវចោទប្រកាន់ទាំងនោះ ដាក់ចេញវិធានការថ្មីដើម្បីទប់ទល់នឹងប្រភពនៃការបំពុលខ្យល់។ លោកថា ទាំងអ្នកដុតចម្ការអំពៅ និងអ្នកទិញអំពៅដែលដុតរួចគួរតែប្រឈមនឹងការដាក់ពិន័យ។

សូមបញ្ជាក់ថា ក្រុមប្រឹក្សាពាណិជ្ជកម្មថៃបានព្រមានថា ប្រសិនបើវិបត្តិផ្សែងពុលពុំត្រូវបានដោះស្រាយឲ្យមានប្រសិទ្ធភាព ហើយនៅតែបន្តក្នុងរយៈពេលវែងនោះ សេដ្ឋកិច្ចថៃនឹងត្រូវខាតបង់ក្នុងចន្លោះពី ១០ ពាន់លានបាត (៣១៩,៧ លានដុល្លារ) ទៅ ១៥ ពាន់លានបាត (៤៧៩,៥) ក្នុងមួយខែ ។ ការប៉ាន់ស្មាននេះគឺធ្វើឡើង ដោយផ្អែកលើលុយដែលប្រជាជនចំណាយទិញថ្នាំ និងម្ស៉ាស N95 រួមទាំងចំណូលមកពីវិស័យទេសចរណ៍ផងដែរ។ បើតាមការដឹងរបស់ក្រុមប្រឹក្សាពាណិជ្ជកម្មថៃ បច្ចុប្បន្ននេះប្រជាជនចំណាយជាមធ្យមប្រមាណ ៥៩៤ បាត (១៩ ដុល្លារ) ក្នុងមួយខែសម្រាប់ផលិតផលការពារពីខ្យល់កខ្វក់៕

សត្វខ្ទីង និងទន្សោង នៅតិចតួច ប្រឈមនឹងការសម្លាប់ផ្តាច់ពូជ ប្រសិនមិនមានការពារ និងអភិរក្

សត្វកម្រដែលស្ទើរតែផុតពូជគ្មានសល់ក្នុងប្រទេសកម្ពុជា ហើយកំពុងលាក់ខ្លួនតាមព្រៃភ្នំជ្រៅៗក្នុងទឹកដីស្រុកឱ រ៉ាល់ ខេត្តកំពង់ស្ពឺនិងមួយផ្នែកក្នុងខេត្តកោះកុង កំពុង ត្រូវបានព្រានព្រៃតាមលួចប្រមាញ់ជាបន្តបន្ទាប់ ដើម្បី យកសាច់ និងស្នែងមកលក់ ដែលគេជឿថា បើមិនមាន វិធានការតឹងរ៉ឹងទេ សត្វទាំងនោះនឹងផុតពូជនៅថ្ងៃខាង មុខជាក់ជាពុំខាន។

តាមប្រភពនានា បានឱ្យដឹងថា ការសម្លាប់សត្វខ្ទីង និង ទន្សោង ក្រុមព្រានព្រៃសំដៅធំផុត គឺយកស្នែងមកលក់ ដែលមានតម្លៃខ្ពស់ៗ ចាប់ពីជាង២០០ដុល្លាររហូតដល់រាប់ពាន់ដុល្លារ។ សត្វទាំងនេះ ត្រូវបានគេឱ្យដឹងថា នៅ មានវត្តមាននៅឡើយក្នុងទឹកដីស្រុកឱរ៉ាល់ និងខេត្តកោះ កុង។ ក្រៅពីសត្វព្រៃដ៏កម្របំផុតនេះ សត្វជ្រូកព្រៃ ក៏ត្រូវបានគេឱ្យដឹងថា ក្រុមព្រានបានធ្វើអន្ទាក់រាប់ពាន់កន្លែងក្នុងតំបន់នីមួយៗសម្រាប់ទាក់យកសាច់លក់ជារៀងរាល់ថ្ងៃ។

តាមប្រភពពីពលរដ្ឋរស់នៅក្នុងឃុំជាំសង្កែ ស្រុកភ្នំស្រួច ខេត្តកំពង់ស្ពឺ បានឱ្យដឹងថា ពេលបច្ចុប្បន្ននេះ បើនិយាយ សត្វប្រើស រមាំង ឈ្លូស នៅក្នុងទឹកដីខេត្តកំពង់ស្ពឺ គេកម្របានជួបប្រទះទៀតណាស់ ហើយបើដឹងថា តំបន់ណា មាននោះ ក្រុមព្រានព្រៃតែងរុករកមិនសូវសល់ឡើយ បើទោះតំបន់នោះអភិរក្សក៏ដោយ។ ក្រុមអ្នកប្រមាញ់សត្វទាំងនោះ មិនប្រាថ្នាចង់បានសាច់សត្វសម្រាប់លក់ ឬប្រមាញ់សម្រាប់យកសាច់មកទុកបរិភោគឡើយ តែអ្វីដែល ពួកគេចង់បាននោះ គឺស្នែងសម្រាប់យកមកលក់តែប៉ុណ្ណោះ ពីព្រោះវាមានតម្លៃរាប់រយដុល្លារ ក្នុងមួយក្បាលៗហើយ បើរកបាននោះ មិនខ្វះទេឈ្មួញទទួលទិញយក។ សម្រាប់អ្នកស្រុកនៅតំបន់នេះ ដែលគ្មានការងារធ្វើ នៅពេលផុតរដូវធ្វើស្រែ គេតែងនាំគ្នាឡើងព្រៃភ្នំរុករកសត្វព្រៃឬអនុផលព្រៃឈើសម្រាប់មកលក់ចិញ្ចឹមជីវិត។ ពួកគេមាននាំគ្នា ទៅទាំងក្រុមៗ ហើយនៅពេលដឹងថា ទីកន្លែងណាមានសត្វព្រៃរស់នៅ តែងនាំគ្នាតាមប្រមាញ់ ពុំសូវខ្លាចក្រែងទេ។

បុរសអ្នកប្រមាញ់សត្វព្រៃម្នាក់ ឈ្មោះ គុណ នៅឃុំជាំសង្កែ បានបញ្ជាក់ឱ្យដឹងថា កន្លងមក គាត់ជាមួយអ្នកភូមិតែងបាននាំគ្នាចូលព្រៃជាញឹកញាប់ ហើយកាលពីមុនមក ពេលទៅរកអនុផលព្រៃឈើម្តងៗ តែងបានសត្វព្រៃត្រឡប់ មកផ្ទះវិញពុំដែលខាន ប៉ុន្តែក្នុងរយៈពេលប៉ុន្មានឆ្នាំនេះ សត្វព្រៃខ្សត់ខ្សោយខ្លាំងណាស់ ហើយរកសឹងលែងបានទៀតហើយ។ អ្វីដែលគាត់បាននោះមានតែសត្វពស់ សត្វអណ្តើក និងសត្វប្រភេទតូចៗប៉ុណ្ណោះ។ ចំណែកសត្វធំៗ ដូចជាឈ្លូសរមាំង ប្រើស ឬសូម្បីតែសត្វខ្ទីង ទន្សោងនោះលែងបានឃើញទៀតឡើយ។

បុរសរូបនេះ បានបញ្ជាក់ថា សត្វព្រៃធំៗ ពេលបានស្នែង យកមកលក់ គឺបានតម្លៃខ្ពស់ណាស់ដូចជាសត្វប្រើស សត្វរមាំង បើស្នែងធំមួយក្បាល គេអាចលក់បានតម្លៃចាប់ពី៣០០ដុល្លារឡើងទៅដល់រាប់ពាន់ដុល្លារ។ ចំណែក សត្វខ្ទីង ស្នែងធំល្មម បើរកបានមួយក្បាលៗ គេអាចលក់ក្នុងព្រៃចាប់ពី២០០ ទៅ៤០០ដុល្លារ ហើយ បើក្រុមឈ្មួញយកទៅលក់បន្តទៀត មានតម្លៃចាប់ពី ៥០០ ទៅ២០០០ដុល្លារ។

ចំពោះអ្នកមកទិញនោះ មិនខ្វះទេដោយភាគច្រើនជាអ្នក មានលុយ ដែលក្នុងនោះរាប់ទាំងមន្រ្តី ឧកញ៉ាទិញយក ទៅតាំងផ្ទះសម្បែងរបស់គេហើយរបស់ទាំងនេះ គេចូលចិត្តបំផុត។

អ្នកប្រមាញ់សត្វព្រៃរូបនេះ បានឱ្យដឹងដែរថា ”កាលពីមុន អ្នករកសត្វព្រៃធំៗ បានមួយក្បាលៗ មិនមានតម្លៃប៉ុន្មានទេ តែពេលនេះ ពេលរកបានមួយក្បាលៗ គេសង្វាតបំផុត គឺស្នែងដើម្បីយកទៅលក់។ ក្រុមអ្នកស្រុក ពេលរកបានម្តងៗ យកស្នែងលក់ចែកលុយគ្នាក៏មិនបានច្រើនដែរ គឺម្នាក់ បន្តិចៗ ព្រោះថាគ្នាច្រើន ប៉ុន្តែយ៉ាងណាបើរកសត្វព្រៃបាន គេបានទាំងសាច់ និងស្នែង អញ្ចឹងហើយនៅពេលចប់ រដូវធ្វើស្រែគ្មានអ្វីធ្វើមានតែឡើងព្រៃភ្នំ ដើម្បីរកសត្វ និងឈើសម្រាប់លក់ប៉ុណ្ណោះ”។

បុរសរស់នៅស្រុកភ្នំស្រួចម្នាក់ ឈ្មោះជា រដ្ឋ ដែលជាអ្នកធ្លាប់ដើរព្រៃជើងចាស់ម្នាក់ បានឱ្យដឹងពាក់ព័ន្ធពីសត្វព្រៃ នៅស្រុកឱរ៉ាល់ថា ពេលនេះ សត្វខ្ទីង និងទន្សោងបើតាមគាត់ដឹងមានសេសសល់តិចតួចណាស់ ប៉ុន្តែគាត់ជឿថា ទំហំនៃការរុករករបស់ព្រានព្រៃ ដូចរៀងរាល់ថ្ងៃនេះ មិនយូរទៀតទេ សត្វព្រៃច្បាស់ជាត្រូវហិនហោចទាំងស្រុងតែ ម្តង។ ពីព្រោះថា សត្វព្រៃដែលកម្រដូចជាសត្វខ្ទីង ត្រូវបានគេធ្វើអន្ទាក់ ស្ទាក់ចាប់ស្ទើរគ្រប់កន្លែង ឱ្យតែពួកគេដឹង ថា សត្វនេះរស់នៅ។ ពេលស្ទាក់ចាប់បានម្តងៗ គេតែងបង្អត់បាយបង្អត់ទឹកវារាប់ថ្ងៃ ដោយមិនហ៊ានចូលសម្លាប់ ភ្លាមៗទេ ដោយសារសត្វនេះកម្លាំងខ្លាំងខា្លចវា តដៃ ដូចនេះ នៅពេលវាខ្សោយកម្លាំងហើយ ទើបក្រុមព្រានចូលសម្លាប់តែម្តង។ ក្នុងពេលយកចេញពីព្រៃទៀតសោត មានការប្រយ័ត្នប្រយែងណាស់ ព្រោះថាមេព្រៃតែងស្ទាក់ ចាប់ ប៉ុន្តែយ៉ាងណាអ្នកប្រមាញ់ គេស្គាល់ផ្លូវនៅតែអាចយកចេញមកលក់បានដោយមិនជួបការលំបាកនោះឡើយ។

បុរសរូបនេះឱ្យដឹងបន្ថែមថា ”រឿងសម្លាប់សត្វខ្ទីង សត្វ ទន្សោងនោះ បំណងធំបំផុតរបស់គេ គឺគ្មានអ្វីក្រៅពីយក ស្នែងលក់នោះទេ។ ពេលនេះស្នែងតម្លៃកាន់តែថ្លៃ ក្រុមអ្នកស្រុក ដែលជាព្រានព្រៃឱ្យតែបានឮមិនបានទេតែងក្រវ៉ែលបើទោះបីកន្លែងនោះគេការពារ ឬអភិរក្សបែប ណាក្តី”។ អ្នកដើរព្រៃរូបនេះ ឱ្យដឹងថា សត្វខ្ទីង បើតាម គាត់ដឹងគេបានសម្លាប់នៅខេត្តកោះកុងញឹកញាប់ដែរដោយក្នុងនោះបានកាប់ច្រៀកក្បាលយកស្នែងមកលក់ ក្នុងមួយខែចាប់ពី ២ទៅ៣ក្បាល ដោយក្នុងនោះយកទៅ លក់ នៅខេត្តកំពង់ស្ពឺ និងខ្លះដឹកទៅលក់ភ្នំពេញ ឬខ្លះ មាននាំយកទៅបរទេសថែមទៀត ៕

Monday, 4 February 2019

លោកផែង វណ្ណៈចេញមុខជាថ្មីថា៖ទោះចំប៉ីខ្មៅសុំទោស១លាន១សែនដងគឺមិនអាចលេីកលែងបានទេ ត្រូវតែប្រឈមមុខផ្លូវច្បាប់ដាច់ខាតនិងទទូលទោសកុំឲ្យ..!(មានវីដេអូចំប៉ីខ្មៅសុំទោស)

កាលពីយប់មិញមានមានបុគ្គលម្នាក់ ដែលត្រូវគេស្គាល់ឈ្មោះថា ចំប៉ីខ្មៅ ដែលបានជេរប្រមាថខ្មែរយើងដល់ពូជតែម្តរង ដោយថា ខ្មែរជាពូជថោទាប ពូជតិរិច្ឆាន ក្រោយពីមានបុរស៣នាក់បានជិះម៉ូតូមក ហើយថែមទាំងបានខោកក្បាលបុគ្គលរូបនេះ។ បើតាមគណណីឈ្មោះ Heng Yin ដែលត្រូវគេស្គាល់ថាជាចំប៉ីខ្មៅ បានបង្ហោះវីដេអូជេរប្រមាថកប់ៗមាត់តែម្តង ដែលធ្វើអោយមហាជនមានការខឹងសម្បារជាខ្លាំង រហូតដល់មានបុគញគលល្បីៗជាច្រើនបានចេញមុខរិះគន់ើខ្លាំងៗ ហើយថានឹងប្តឹងចំប៉ីខ្មៅនេះ។

បន្ទាប់ពី បុគ្គល ហេង យិន ហៅ ចំប៉ីខ្មៅ បានចេញវីដេអូសុំទោសដោយលើកឡើងថា «ដោយលើកឡើងថាហេតុផលមកពីខ្លួនខឹងនឹងជនដែលមកខោកក្បាលខ្លួននោះខ្លាំងពេក ទើបទប់អារម្មណ៍មិនជាប់ ទើបប្រើពាក្យអសុរសដៀលចំៗ»លោក ផែង វណ្ណៈ បានចេញសេចក្តីប្រកាស់ជាថ្មីថា៖«បន្ទាប់ពីមានផ្ទុះប្រតិកម្មកក្រេីកមេឃរញ្ជួយដី ពីប្រជាជនខ្មែរចំពោះ អាខ្ទេីយកាត់យួន ហេង យិន ដែលដៀលខ្មែរកប់ៗមាត់ ពេលនេះអាខ្ទេីយយួន ហេង យិន បានសុំទោសជាសាធារណៈហេីយ។ខ្ញុំ ផែង វណ្ណៈ សូមប្រកាសជាសាធារណៈថា ទោះបីអាខ្ទេីយ ហេង យិន សុំទោស១លានដង ក៏យេីងមិនលេីកលែងដែរ ។ អាខ្ទេីយយួន ហេង យិន ត្រូវតែប្រឈមមុខចំពោះផ្លូវច្បាប់ដាច់ខាត។»៕

ចូលរួមរំលែកទុក្ខផង! ថ្ងៃគេសែនចិនសប្បាយរីករាយ យ៉ារ៉ូ យំបោកខ្លួន ព្រោះតែ…

ថ្មីៗនេះមានគណនីInstragramមួយបានបង្ហោះរូបយ៉ាងក្រៀមក្រំនិងសោកសង្វែកខណៈដែរពេលនេះអ្នកខ្លះកំពុងតែសប្បាយ ដោយគណនីនោះជារបស់លោក យ៉ារ៉ូ បានធ្វើការរៀបរាប់

«ឆ្នាំមុនខែកុម្ភៈនេះ ខ្ញុំបានបាត់បង់លោកយាយតែម្នាក់គត់របស់ខ្ញុំ ឯចំណែកឆ្នាំនេះក្នុងខែតែមួយ មីងបង្កើតរបស់ខ្ញុំក៏ត្រូវចាកចោលខ្ញុំទៀត។ គ្រប់គ្នានិយាយថា ខែនេះគឺជាខែនៃក្តីស្រលាញ់ តែសម្រាប់ខ្ញុំ ខ្ញុំគិតថាគឺជាខែនៃការត្រូវបាត់បង់ ហើយខែនេះក៏ជាខែកំណើតរបស់ខ្ញុំដែរ។ វាពិតជាឈឺចាប់ណាស់ ខ្ញុំស្អប់អារម្មណ៍នៃការបាត់សមាជិកគ្រួសារខ្លាំងណាស់» ។

Sunday, 3 February 2019

លោក ត្រាំ ថា ប្រើយោធាជាជម្រើស ឯវ៉េណេស៊ុយអេឡាត្រៀមកម្ទេចរាល់សត្រូវឈ្លានពាន......

ប្រធានាធិបតីអាមេរិក ដូណាល់ ត្រាំ នៅថ្ងៃទី៣ ខែកុម្ភៈ បានប្រកាសជាសាធារណៈនូវជំហរប្រើប្រាស់កម្លាំងយោធាដើម្បីដោះស្រាយវិបត្តិនៅវ៉េណេស៊ុយអេឡា។ ប៉ុន្តែលោក ត្រាំ មិនបានបញ្ជាក់ទេថា នៅកាលៈទេសៈណាទើបអាមេរិកសម្រេចចិត្តប្រើប្រាស់ជម្រើសមួយនេះឡើយ ខណៈវ៉េណេស៊ុយអេឡាប្រកាសការពារខ្លួនជាស្រេច។ អាមេរិកដែលគាំទ្រលោក ហ័ន ក្វៃដូ ជាប្រធានាធិបតីបណ្ដោះអាសន្ននោះ កំពុងតែដឹកនាំយុទ្ធនាការដើម្បីទម្លាក់លោក នីកូឡាស់ ម៉ាឌុយរ៉ូ ចេញពីតំណែង។

ខណៈស្ថានភាពនយោបាយកាន់តែតានតឹង ជម្រើសប្រើយោធាដើម្បីបណ្ដេញលោក នីកូឡាស់ ម៉ាឌុយរ៉ូ បានធ្លាក់ចេញពីបបូរមាត់ប្រធានាធិបតីអាមេរិក ដូណាល់ ត្រាំ ដោយផ្ទាល់។ ក្នុងកិច្ចសម្ភាសជាមួយទូរទស្សន៍ CBS ដែលផ្សាយនៅថ្ងៃទី៣ ខែកុម្ភៈ លោក ត្រាំ ត្រូវបានសួរថា កត្តាអ្វីខ្លះដែលអាមេរិកសម្រេចចិត្តធ្វើអន្តរាគមន៍យោធានៅវ៉េណេស៊ុយអេឡា។ ប្រធានាធិបតីអាមេរិកមិនបានផ្ដល់ចម្លើយជាក់លាក់ឡើយ តែព្រមានថា យោធាគឺជាជម្រើសមួយ។

សព្វថ្ងៃនេះ អាមេរិកកំពុងដឹកនាំប្រទេសជាច្រើនក្នុងការអូសទាញលោក ម៉ាឌុយរ៉ូ ឲ្យចេញពីកៅអីប្រធានាធិបតីវ៉េណេស៊ុយអេឡា។ កាលថ្ងៃទី២៣ ខែមករាកន្លងទៅ ក្រុងវ៉ាស៊ីនតោនបានទទួលស្គាល់ប្រធានសភា ហ័ន ក្វៃដូ ជាមេដឹកនាំស្របច្បាប់របស់វ៉េណេស៊ុយអេឡា បន្ទាប់ពីអ្នកនយោបាយរូបនេះតាំងខ្លួនជាប្រធានាធិបតីបណ្ដោះអាសន្នចំពោះមុខបាតុកររាប់ពាន់នាក់។ លោក ក្វៃដូ ចាត់ទុកលោក ម៉ាឌុយរ៉ូ ជាមេដឹកនាំស្របច្បាប់ ព្រោះការជាប់ឆ្នោតរបស់លោកជារឿងខុសច្បាប់។

លើសពីព្រមានប្រើកម្លាំងទ័ពនោះ លោក ត្រាំ ក៏អះអាងថា លោកបដិសេធសំណើចរចារបស់លោក ម៉ាឌុយរ៉ូ កាលពីខែមុន។ បើតាមទីភ្នាក់ងារព័ត៌មាន AFP ប្រធានាធិបតីអាមេរិករូបនេះបញ្ជាក់ថា ជំហរអាមេរិក និងវ៉េណេស៊ុយអេឡានៅឆ្ងាយគ្នាណាស់។

ភ្លាមៗក្រោយប្រធានាធិបតីអាមេរិកប្រកាសដូចខាងលើ វ៉េណេស៊ុយអេឡាក៏ចេញមុខប្រតិកម្មតបវិញ និងចាត់ទុកការលើកឡើងរបស់របស់លោក ត្រាំ ជារឿងមិនអាចទទួលយកបានឡើយ។ អនុប្រធានាធិបតីវ៉េណេស៊ុយអេឡា Delcy Rodriguez ប្រកាសថា ប្រទេសលោកស្រីត្រៀមខ្លួនជាស្រេចក្នុងការវាយបកសត្រូវឈ្លានពាន។ លោកស្រីអះអាងទៀតថា បញ្ហាអធិបតេយ្យមិនអាចចរចាឡើយទេ តែវ៉េណេស៊ុយអេឡានឹងការពារខ្លួនដាច់ខាត។

រដ្ឋបាលប្រធានាធិបតី ត្រាំ តែងលើកឡើងជាញឹកញាប់នូវការប្រើប្រាស់កម្លាំងយោធា ស្របពេលដែលអាមេរិកក៏ព្យាយាមដាក់សម្ពាធកាន់តែខ្លាំងឡើងៗតាមរយៈការដាក់ទណ្ឌកម្មលើក្រុមហ៊ុនប្រេងរដ្ឋ និងការអំពាវនាវឲ្យយោធាវ៉េណេស៊ុយអេឡាងាកទៅគាំទ្រលោក ក្វៃដូ វិញ។ អាមេរិកក៏ស្នើឲ្យប្រទេសនានាជុំវិញពិភពលោកដើរតាមខ្លួនក្នុងការទទួលស្គាល់មេដឹកនាំប្រឆាំងវ័យក្មេងរូបនេះដែរ។

យ៉ាងណាមិញ លោក ម៉ាឌុយរ៉ូ ដែលដឹកនាំប្រទេសធ្លាក់មកដល់ស្ថានការណ៍ដូចបច្ចុប្បន្ន នៅតែមានមហាអំណាចគាំទ្រច្រើនដូចជារុស្ស៊ី ចិន អ៊ីរ៉ង់ និងតួកគីជាដើម។ កាន់តែសំខាន់នោះ លោកក៏នៅមានការគាំទ្ររបស់យោធាដដែល ទោះជាមានការរត់គេចពីមន្ត្រីយោធាមួយចំនួនក្ដី។ ចុងក្រោយនេះ ឧត្តមសេនីយ៍ជើងអាកាសម្នាក់បានទទួលស្គាល់លោក ក្វៃដូ ប៉ុន្តែវានៅតែមិនអាចបង្កក្ដីបារម្ភសម្រាប់លោក ម៉ាឌុយរ៉ូ ដ្បិតឧត្តមសេនីយ៍ក្ដាប់ទ័ពឈរខាងលោកទៅហើយ៕

Benefits For Readers

Wednesday, 6 February 2019

តិចនិចក្នុងការរៀនភាសាចិនឆាប់ចេះ

វៀតណាម កំណត់ទិសដៅនាំចេញសម្លៀកបំពាក់ឲ្យបាន៤០ពាន់លានដុល្លារក្នុងឆ្នាំ២០១៩

សត្វខ្ទីង និងទន្សោង នៅតិចតួច ប្រឈមនឹងការសម្លាប់ផ្តាច់ពូជ ប្រសិនមិនមានការពារ និងអភិរក្

Monday, 4 February 2019

ចូលរួមរំលែកទុក្ខផង! ថ្ងៃគេសែនចិនសប្បាយរីករាយ យ៉ារ៉ូ យំបោកខ្លួន ព្រោះតែ…

Sunday, 3 February 2019

លោក ត្រាំ ថា ប្រើយោធាជាជម្រើស ឯវ៉េណេស៊ុយអេឡាត្រៀមកម្ទេចរាល់សត្រូវឈ្លានពាន......

គណនេយ្យFacebookមួយសួររកគ្រូពេទ្យដែរកំពង់តែចាក់ថ្នាំអោយអ្នកជំង.........

Blog Archive